Сирійський діалект - Syrian dialect - اللهجة السورية Text 1 Ecomomic situation in Syria

Словник:

متأثر ( мутессір) - під впливом,  affected by 

خبرة (кхібра) - досвід, experience 

أديش (еддиш) - скільки, наскільки, how much

بلدان (бульдеен) - країни, countries 

مرحلة (мархаля) - етап, period, stage

موجة (маужа) - орієнтований (на), oriented 

عملية (а*мелійя) - процес, period, process

إنتقال (інтік*ааль) - перехід, транзит, transition

الإقتصاد الإشتراكي (ельік*тісаад ельіштіраакій) - планове господарство, соціальна економіка, socialist economy 

تأميم (теміім) - націонадізація, nationaliazation

خلال (кхілєль) - протягом, during

معمل ج معامل (меа*мль, меа*аміль) - завод, фабрика, factor (factories)

الإصلاح الزراعي (ельісляях еззірааі*й) - аграрна (земельна ) реформа, agrarian (land) reform 

عملية التحويل ( а*мелійя еттахвіль) - період транзиту, перехідний період, transition period

مشرف (мушріф) - управляти, контролювати, to be in charge 

الإقطاعات الإقتصادية ( ельікутаа*ат ельік*тісадійя) - економічні сектори, economic sectors

بالاساس ( більесеес) - по суті, essentially

مانو متين ( меену метиин) - не міцний, не є сильним, is not strong

ركود (рукууд) - спад, recession

عانى (а*ана) - страждати, потерпати, to suffer 

ما في (ме фі ) - немає, there are not, do not have

حركة (харака) - рух, дигаміка, активність, activity, dynamic

عبارة عن (і*баара а*йн) - являє собою, represent 

نسبة (нісба) -  зв*язок, пропорція, процентне відношення, rate, proportion

Текст: 

امرأة: العالم كلياتو متأثر بالأزمة الاقتصادية، ام، يعني من خبرتك الطويلة بالسوق، أديش تأثر الاقتصاد السوري بالأزمة هي؟
 رجل: طبعا الفرق ما بين سوريا و غيرا من البلدان، هي انها بمرحلة تحول من اقتصاد السوق الموجه لاقتصاد السوق المفتوح. طبعا سوريا كانت ماشي من سنة 1963 بعملية الانتقال من الاقتصاد الليبرالي لاقتصاد الاشتراكي. من سنة 1963 خلال مدة طويلة تم تأميم كافة المعامل و المصانع و تأميم الأراضي الزراعية بعملية الإصلاح الزراعي، و الأرض لمن يعمل بها و المعمل لمن يعمل به. و عملية التحويل الاشتراكي اللي بتخلي الدولة هي دائما مشرفة على كل القطاعات الاقتصادية.  و لذلك المرحلة اللي اجت فيها الازمة الاقتصادية الحالية، هي بالأساس سوريا وضعها الاقتصادي مانو متين، يعني عنا في ركود كبير منعاني منو من فترة طويلة ما من هلا، من اكتر من 18 سنة.
 امرأة: من 18 سنة في ركود اقتصادي؟
 رجل: ايه ما في عنا نحني، ما في هالحركة الاقتصادية اللي موجودة. أنا عملت شركة بدبي من 5 سنوات و سبب
ذهابي لدبي انو دبي عبارة عن مدينة تتطور يوم ورا يوم. يعني نسبة النمو الاقتصادي بقبل الأزمة بال2008 كانت بدبي 8% و بعدين التسهيلات الموجودة بامارة دبي، و الامارات العربية المتحدة مانا موجودة عنا بسوريا. نحنا رغم انو عم يحاولو انو يشجعو الاستثمار و لكن بالتلفزيون بالجرايد

. بالواقع بيصطدم الواحد بعراقيل كتير. يعني انا مواطن و ابن هالبلد و لو بدي اشتغل بقدر اشتغل هون بقطاعات كتيرة كانت تجارية و لا صناعية و لا زراعية و لكن المشكلة عنا هي القوانين. في عنا كم هائل من القوانين الاشتراكية و حتى الهقلية اللي بدنا نحكي فيها، عقلية الاقتصاد، عنا بسوريا لن تستطيع ان تتحرك حتى الآن. يعني لما عما تجيبي انسان درس بدولة اشتراكية هل هي الاتحاد السوفييتي و عندو العقلية الشيوعية و بتطلبي منو انو يطبق اقتصاد السوق، كيف بدو يطبق؟

 اقتصاد السوق اقتصاد صعب كتير ما ممكن تطبيق اقتصاد السوق الا بوجود الحرية الاقتصادية و الحرية السياسية. ليش لانو الرقابة اذا ماكنت متوفرة فاقتصاد السوق متوحش. لازم تفعيل دور المنظمات الأهلية، النقابات المهنية، مجلس النواب، تفعيل دور دوائر الرقابة كلها بحتى نقدر نشتغل باقتصاد السوق. أما لما انا بدي اعمل مشروع من المشاريع، ما بقدر أعمل هالمشروع هدا الا اذا دفعت لزيد او لعبيد او ل.. يعني موظف صغير بأي دائرة حكومية ممكن يعرقل المشروع بمئات الملايين، تضارب القوانين.

 يعني لمعلوماتك انا درست بفترة من حياتي بكلية الحقوق، القوانين الكتيرة و القرارات أحيانا بتكون متضاربة.  يعني مثلا قانون التطوير العقاري حاليا اللي طلع بسوريا شي اسمو قانون التطوير العقاري ، هاللي بيسمح للشركات انو تعمل مناطق عقارية، ان كان سكنية و لا تجارية، لحد هلا رغم انو القانون سمح بانشاء شركات و طلعت التعليمات التنفيذية.  لا يمكن لاي شخص انو يعمل شركة تطوير عقاري لان كتير بتدخل بهالامر هدا قوانين تتبع لجهات مختلفة، قرارات، مراسيم يعني ما بتعرفي كيف بدك تشتغلي. هدا السبب انو نحني عنا مثلا أزمة الاقتصادية بسوريا، أزمة قبل ما تجينا من برا في عنا نحني أزمة اقتصاد داخلي، يعني مثلا الغش بالمنتجات، المواصفات القياسية السورية، التصنيع، مواضيع الاستيراد و التصدير، هيكلية الاقتصاد بشكل عام، ما هو نوع الاقتصاد؟ 

شو الاقتصاد اللي بدنا ياه؟ مين اللي عم يقوم بالسهر على تنفيذه، مين اللي عم يقوم على رقابته؟ اذا وزارة التموين و التجارة الداخلية تحولت لشي اسمو وزارة الاقتصاد و التجارة و مع ذلك لحد هلا الموظف بسمو بالاسم حماية المستهلك، بيدخل لعنا على المحل بيقلنا انا تموين، على الاسم القديم. ليش؟ لانو كلمة تموين مرعبة، بتذكر التموين بانو هدا الانسان ممكن ياخدني على السجن. رغم كل الاجهزة الموجودة للرقابة و لكن كمية الغش بسوريا بالمنتجات و الخدمات شي ما معقول.